28 جولائی ، 2024 
کھیل
سری لنکا ویمنز نے بھارت کو 8 وکٹوں سے شکست دی— فوٹو: سری لنکا کرکٹ
سری لنکا ویمنز نے بھارت کو شکست دیکر پہلی مرتبہ ایشیا کپ جیت لیا
28 جولائی ، 2024
سری لنکا نے بھارت کو شکست دے کر پہلی مرتبہ ویمنز ایشیا کپ جیت لیا۔
دمبولا میں کھیلے گئے ایشیا ویمنز کے فائنل میں بھارتی ویمنز نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 165رنزبنائے۔
بھارت کی جانب سے سمرتی مندھانا 60 رنز بنا کر نمایاں رہیں۔
جواب میں میزبان سری لنکا ویمنز نے ہدف 19 ویں اوور میں دو وکٹوں کے نقصان پر حاصل کر لیا اور بھارت کو 8 وکٹوں سے شکست دی۔
سری لنکا کی ہرشیتھا سمارا وکرما نے 69 رنز کی ناقابل شکست اننگز کھیلی جبکہ کپتان چماری اتاپتو 61 رنز بنا کر نمایاں رہیں۔
سری لنکا ویمنز نے پہلی بار ایشیا کپ جیتا ہے۔ بھارت 7 بار اور بنگلادیش ایک بار ایشیا کپ جیت چکے ہیں۔
