29 جولائی ، 2024 
ناروے فٹبال کپ میں پاکستان اسٹریٹ چائلڈ ٹیم کی دوسری بڑی کامیابی
29 جولائی ، 2024
ناروے فٹبال کپ میں پاکستان اسٹریٹ چائلڈ فٹبال ٹیم کی کامیابیوں کا سلسلہ جاری ہے۔
پاکستان اسٹریٹ چائلڈ فٹبال ٹیم نے ناروے کے وارڈینسیٹ کلب کو شکست دے کر مسلسل دوسرا میچ جیت لیا۔
اسلور میں جاری ناروے کپ میں پاکستان اسٹریٹ چائلڈ ٹیم نے پیر کو دوسری کامیابی حاصل کی اور ناروے کے وارڈینسیٹ کلب کو شکست سے دوچار کر دیا۔
پاکستان اسٹریٹ چائلڈ ٹیم نے یہ میچ 5-0سے جیتا ۔
پاکستان نے پہلے ہاف میں 2 اور دوسرے ہاف میں مزید 3 گولز اسکور کیے ۔
قومی اسٹریٹ چائلڈ فٹبال ٹیم کی جانب سے کاشف نے 2،کپتان محمد عدیل، محمد خان اور شاہد انجم نے ایک ایک گول اسکور کیا۔
پاکستان ٹیم کی جیت کے بعد ناروے میں پاکستانی کمیونٹی نے جیت کا جشن بھی منایا ۔ ایونٹ میں قومی اسٹریٹ چائلڈ فٹبال ٹیم اپنا تیسرا میچ کل کھیلے گی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
