30 جولائی ، 2024 
عمر ایوب نے ن لیگ کابینہ میں رہتے ہوئے، آئی پی پیز کنٹریکٹ سائن کیے: وفاقی وزیر
30 جولائی ، 2024
وفاقی وزیر برائے پیٹرولیم مصدق ملک نے اپوزیشن لیڈر عمر ایوب کو تنقید کا نشانہ بناتے ہوئے کہا کہ آئی پی پیز کے جن معاہدوں پر عمر ایوب تنقید کررہےتھے، مسلم لیگ ن کابینہ میں رہتے ہوئے انہوں نے ان کے کنٹریکٹ سائن کیے۔
قومی اسمبلی میں اپوزیشن لیڈر عمرایوب نے کہا ہے کہ پی ٹی آئی حکومت میں آئی پی پیز سے معاہدوں پر نظرثانی کی گئی جس سے اربوں روپے کا فائدہ ہوا، موجودہ بحران کی ذمے دار پیپلز پارٹی اور ن لیگ ہیں جنہوں نے اپنا مفاد سامنے رکھ کر آئی پی پیز سے معاہدے کیے ۔
انہوں نے کہاکہ غلط معاہدوں کی وجہ سے دو ہزار آٹھ سو ارب روپے کے کیپیسٹی چارجز ہر صورت ادا کرنے ہیں۔
اس کے جواب میں وفاقی وزیر برائے پیٹرولیم مصدق ملک نے عمر ایوب کو تنقید کا نشانہ بنایا اور کہا کہ آئی پی پیز کے جن معاہدوں پر عمر ایوب تنقید کررہےتھے، مسلم لیگ ن کابینہ میں رہتے ہوئے انہوں نے ان کے کنٹریکٹ سائن کیے۔
انہوں نے کہا کہ اگر اس وقت معاہدے غلط تھے تو عمر ایوب وزارت چھوڑ دیتے، دستخط نہ کرتے، جب قلم ہاتھ میں تھا تو اس وقت کچھ کرتے مگر اب تنقید کا مقصد صرف فساد پھیلانا ہے۔
مزید خبریں :
عمران خان نے بیرسٹر سیف کو اہم ٹاسک سونپ دیا
44 منٹ پہلے
کراچی میں کڑاکے کی سردی، شہری ٹھٹھر گئے
5 گھنٹے پہلے
