01 اگست ، 2024 
حافظ نعیم کا چشمہ ایک کروڑ 10 لاکھ میں خرید لیا گیا
01 اگست ، 2024
جماعت اسلامی پاکستان کے امیر حافظ نعیم الرحمان کا چشمہ ایک کروڑ 10 لاکھ میں خرید لیا گیا۔
جماعت اسلامی کا راولپنڈی کے لیاقت باغ میں گزشتہ کئی روز سے مہنگی بجلی اور دیگر مطالبات کے حق میں دھرنا جاری ہے۔
دھرنے کے ساتھ ساتھ جماعت اسلامی کے حکومت سے مذاکرات بھی جاری ہیں۔
گزشتہ دنوں دھرنے میں جماعت اسلامی کے امیر حافظ نعیم کے چشمے کی بولی لگائی گئی تھی جسے عامر محمود چیمہ نامی شہری نے ایک کروڑ 10 لاکھ روپے میں خریدا تھا۔
جماعت اسلامی کے آفیشل فیس بک اکاؤنٹ سے جاری بیان کے مطابق عامر محمود چیمہ نے ایک کروڑ 10 لاکھ کی ادائیگی کردی ہے۔
شہری نے مرکزی نائب امیر لیاقت بلوچ سے دھرنے کے اسٹیج پر ملاقات کی اور ادائیگی کرکے رسید حاصل کی۔ ترجمان جماعت اسلامی کے مطابق یہ رقم جماعت اسلامی کے دھرنا فنڈ میں جمع کرادی گئی ہے۔
