01 اگست ، 2024 
عہدہ سنبھالتے ہی سرحد بند اور کیپٹل ہل پر حملہ کرنیوالوں کو معافی دیدوں گا: ڈونلڈ ٹرمپ
01 اگست ، 2024
امریکی صدارتی انتخابات میں ریپبلکن امیدوار اور سابق امریکی صدر ڈونلڈ ٹرمپ نے کہا ہے کہ عہدہ سنبھالتے ہی سرحد بند کردوں گا اور کیپیٹل ہل پر حملہ کرنیوالوں کو معافی دیدوں گا۔
تقریب سے خطاب کے دوران ڈیموکریٹ کی سرفہرست صدارتی امیدوار کملا ہیرس پر تنقید کرتے ہوئے ڈونلڈ ٹرمپ نے کہا کہ کملا ہیرس اپنی سیاہ فام شناخت کو سیاسی مقاصد کیلئے استعمال کر رہی ہیں۔
ڈونلڈ ٹرمپ نے سوال کیا کہ کملا ہیرس بھارتی ہیں یا سیاہ فام؟ کملا اب تک تو بھارتی تھیں، اچانک پلٹ کر سیاہ فام کیسے ہوگئیں؟
ان کا کہنا تھا کہ کملاہیرس کی والدہ کا بھارت اور والد کا تعلق جمیکا سے تھا۔
وائٹ ہاؤس نے ڈونلڈ ٹرمپ کے بیان پر ردعمل دیتے ہوئے کہا کہ کملا ہیرس کی شناخت پر ٹرمپ کا تبصرہ توہین آمیز ہے۔
