01 اگست ، 2024 
پاکستان
فوٹو: فائل
خلیل الرحمٰن قمر کو ہنی ٹریپ کرنیوالی ملزمہ کو جوڈیشل ریمانڈ پر جیل بھیج دیا گیا
01 اگست ، 2024
لاہور میں انسداد دہشت گردی عدالت نے معروف ڈرامہ نگار خلیل الرحمٰن قمر کو ہنی ٹریپ کرنے والی ملزمہ آمنہ عروج کو جوڈیشل ریمانڈ پر جیل بھیج دیا۔
لاہور انسداد دہشت گردی عدالت کے جج خالد ارشد نے ڈرامہ نویس خلیل الرحمٰن قمر ہنی ٹریپ کیس کی سماعت کی۔
پولیس نے ملز مہ آمنہ عروج کو عدالت میں پیش کیا اور مزید 15 روز جسمانی ریمانڈ کی استدعا کی گئی۔ تاہم عدالت نے یہ استدعا مسترد کرتے ہوئے آمنہ عروج کو جوڈیشل ریمانڈ پر پولیس کے حوالے کردیا۔
دوسری جانب ملزمہ آمنہ عروج نے ضمانت بعد از گرفتاری کیلئے درخواست دائر کردی ہے جس میں کہا گیا ہے کہ ملزمہ نے خلیل الرحمٰن قمر کو ہنی ٹریپ نہیں کیا ۔
عدالت نے پراسیکیوشن کو نوٹس جاری کرتےہوئے سماعت 6اگست تک ملتوی کر دی۔
