01 اگست ، 2024 
ایشین انڈر 18 والی بال چیمپئن شپ: پاکستان کی ایک اور فتح، سیمی فائنل میں رسائی کی راہ ہموار
01 اگست ، 2024
بحرین میں جاری ایشین انڈر 18 والی بال چیمپئن شپ میں پاکستان ٹیم نے اپنی فتوحات کے سلسلے کو برقرار رکھتے ہوئے سپر 8 مرحلے کا پہلا میچ بھی جیت لیا ہے جس کے ساتھ پاکستان کی سیمی فائنل تک رسائی کی راہیں ہموار ہوگئی ہیں۔
ایشین انڈر 18 والی بال چیمپئن شپ میں پاکستان نے سپر 8 کے پہلے میچ میں چائنیز تائپے کو 1-3 سے ہرادیا۔
پاکستان کی کامیابی کا اسکور 20-25، 26-24، 18-25 اور 23-25 رہا ۔
پاکستان کی جانب سے مہد علی شاہ، ابو بکر، محمد یحیحیٰ اور محمد انس نے نمایاں پرفارمنس کا مظاہرہ کیا۔
چائنیز تائپے کے خلاف کامیابی کے بعد پاکستان کی سیمی فائنل رسائی کی راہیں ہموار ہوگئی ہیں۔
ایونٹ میں پاکستان سپر 8 کا دوسرا میچ کل جاپان کے خلاف کھیلے گا جب کہ سپر 8 کے گروپ میں شامل تیسری ٹیم کو گروپ راؤنڈ میں شکست دینے کے بعد پاکستان ٹیم نے پوائنٹس اگلے مرحلے میں کیری فاروڈ کیے تھے ۔
پاکستان ٹیم کے کوچ سعید احمد سعدی نے کہا ہے کہ میچ میں پاکستانی پلیئرز نے اچھا کنٹرول رکھا، دوسرے سیٹ میں ناکامی کے بعد پلیئرز نے اچھا کم بیک کیا جو ان کے مضبوط اعصاب کی نشاندہی کرتا ہے۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
