02 اگست ، 2024 
خطبے میں اسماعیل ہنیہ کی تعریف: اسرائیل نے مسجد اقصیٰ کے امام کو گرفتار کرلیا
02 اگست ، 2024
خطبے میں مقبوضہ فلسطین کی مزاحمتی تنظیم حماس کے سربراہ اسماعیل ہنیہ شہید کی تعریف کرنے پر اسرائیل نے قبلہ اول مسجد اقصیٰ کے امام کو گرفتار کرلیا۔
عرب میڈیا کے مطابق آج مسجد اقصیٰ میں دیے جانے والے خطبے میں فلسطینی مزاحمتی تنظیم حماس کے سربراہ اسماعیل ہنیہ شہید کی تعریف کرنے پر مسجد اقصیٰ کے 85 سالہ امام شیخ عکرمہ صبری کو اسرائیلی فورسز نے گرفتار کرلیا۔
اسرائیلی کے قومی سلامتی کے وزیر اور انتہا پسند سیاستدان اتمر بن گویر نے سماجی رابطے کے پلیٹ فارم ایکس پر اپنی پوسٹ میں شیخ عکرمہ کی گرفتاری کا اعلان کیا۔
اتمر بن گویر نے شیخ عکرمہ کی دھندلی تصویر شئیر کی جس کے پس منظر میں اسرائیل کا جھنڈا موجود ہے۔
اتمر بن گویر نے طنزیہ انداز میں لکھا کہ شیخ عکرمہ سے اسی جھنڈے کے زیر سایہ تفتیش کی جارہی ہے جسے وہ ’بہت پسند‘ کرتے ہیں۔
اتمر بن گویر نے لکھا اشتعال انگیزی کرنے والوں کے بارے میں میری پالیسی زیرو ٹالرینس کی ہے۔
اتمر بن گویر نے شیخ عکرمہ کی گرفتاری کے حوالے سے لکھا کہ وہ خوش ہیں اور اس کارروائی کی حمایت کرتے ہیں۔
خیال رہے کہ حماس کے سربراہ اسماعیل ہنیہ بدھ کے روز ایرانی دارالحکومت تہران میں اسرائیلی حملے میں شہید ہوگئے تھے، وہ ایرانی صدر مسعود پزشکیان کی تقریب حلف برداری میں شرکت کے لیے ایران میں موجود تھے۔
مزید خبریں :
مکہ مکرمہ، طائف اور دیگر سعودی شہروں میں موسلا دھار بارش
12 گھنٹے پہلے
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
