03 اگست ، 2024 
پیرس اولمپکس میں جرمن گھڑ سوار نےگولڈ میڈل جیت کر نئی تاریخ رقم کردی
03 اگست ، 2024
پیرس اولمپکس میں جرمنی سے تعلق رکھنے والی گھڑ سوار ازا بیل ورتھ نے اپنی شاندار پرفارمنس کے ذریعے نئی تاریخ رقم کردی۔
ازابیل ورتھ آج ایکسوسٹریئن میں ٹیم ڈریسج جیتنے والی جرمن ٹیم کا حصہ تھیں۔
ازابیل ورتھ نے 1992 سے لے کر 2024 اولمپکس میں 8 گولڈ میڈلز سمیت 13 میڈلز جیتے ہیں۔
55 سالہ ایتھلیٹ نے جب جب اولمپکس میں شرکت کی،گولڈ میڈل ضرور جیتا ۔ انہوں نے 1992، 1996، 2000، 2008، 2016، 2020 اور 2024 اولمپکس میں شرکت کی اور جرمنی کے لیے میڈلز جیتے ۔
1992 میں انہوں نے ٹیم گولڈ اور انفرادی سلور، 1996 میں انفرادی اور ٹیم گولڈ جبکہ 2000 میں انفرادی سلور اور ٹیم گولڈ جیتا۔
2008، 2016 اور 2020 میں بھی انہوں نے ٹیم گولڈ اور انفرادی سلور میڈلز جیتے ہیں، وہ کل انفرادی ڈرسیج کے مقابلوں میں بھی ایکشن میں ہوں گی۔
انہوں نے7 مختلف اولمپک ایڈیشنز میں 8 گولڈ میڈلز اور پانچ سلور میڈلز حاصل کر رکھے ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
