03 اگست ، 2024 
ناروے کپ فٹبال میں پاکستان سے جانے والی دونوں ٹیمیں ٹائٹل نہ جیت سکیں
03 اگست ، 2024
ناروے کپ فٹبال میں پاکستان سے جانے والی دونوں ٹیمیں ٹائٹل نہ جیت سکیں، انڈر 15 میں شریک بیٹر فیوچر پاکستان کو فائنل میں شکست ہوئی جس کے بعد اس نے ٹورنامنٹ میں دوسری پوزیشن حاصل کی جب کہ انڈر 17 میں اسٹریٹ چائلڈ ٹیم کو تیسری پوزیشن کے میچ میں شکست کا سامنا کرنا پڑا، دونوں ٹیمیں پنالٹی شوٹ آؤٹس پر ناکام ہوئیں۔
ناروے کپ 15 کا فائنل ناروے کے کلب کفم کام اوسلوکے نام رہا اس نے فائنل میں پاکستان کی بیٹر فیوچر پاکستان ٹیم کو شکست دی، مقابلہ مقررہ وقت پر دو ۔ دو سے برابر رہا جس کے بعد پنالٹی شوٹ آؤٹ پر پاکستان کو شکست کا سامنا کرنا پڑا۔ بیٹر فیوچر پاکستان کے پلیئر سلمان نے ایک گول اسکور کیا، دوسرا گول شہباز نےکیا۔
ادھر قومی اسٹریٹ چائلڈ فٹبال ٹیم ناروےکپ میں تیسری پوزیشن کا میچ پنالٹی شوٹ آؤٹ پر ہار گئی۔
انڈر 17 میں پاکستان اسٹریٹ چائلڈ فٹبال ٹیم کو ناروے کے سوترا کلب نے 5-4 سے پنالٹی شوٹ آؤٹ پر ہرایا۔ مقررہ وقت پر میچ ایک ۔ ایک سے برابر تھا۔
ناروے کپ میں سب سے زیادہ گول کرنے کا اعزاز پاکستانی کھلاڑی محمد کاشف کو ملا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
