حکومت مخالف مظاہروں کے باعث بنگلادیشی ٹیم کا میرپور میں پری سیریز ٹریننگ سیشن منسوخ

بنگلادیش میں حکومت مخالف مظاہروں کے باعث بنگلا دیش ٹیم کا میرپور میں پری سیریز ٹریننگ سیشن منسوخ کردیا گیا۔

ذرائع کے مطابق بنگلادیشی ٹیم نےکل میرپورکے شیربنگلا نیشنل کرکٹ اسٹیڈیم میں ٹریننگ سیشن میں حصہ لینا تھا۔

ذرائع نے بتایاکہ بنگلا دیش ٹیم کا ٹریننگ سیشن ملک میں غیر معمولی صورتحال کے باعث منسوخ کیا گیا۔

بنگلادیش اے ٹیم نے 7 اگست جبکہ سینیئر ٹیم نے 17 اگست کو پاکستان پہنچنا ہے۔ اب تک بنگلا دیش اے ٹیم کی پاکستان روانگی 6 اگست کو شیڈولڈ ہے۔ بنگلا دیش اے ٹیم اور پاکستان شاہینز کے درمیان پہلا میچ 10 اگست کو شیڈول ہے۔