08 اگست ، 2024 
بیٹی کی سانسیں رک گئی تھیں، حافظ قرآن بنانے کی دعا کی اور پھر معجزہ ہوا: سہیل سمیر
08 اگست ، 2024
اداکار سہیل سمیر نے اپنی زندگی میں ہونے والے معجزے کے حوالے سے انکشاف کیا ہے۔
نجی ٹی وی کے مارننگ شو میں گفتگو کرتے ہوئے سہیل سمیر نے کہا کہ میری بیٹی 6 ماہ کی پیدا ہوئی تھی جس کے بعد وہ بیمار ہوگئی تو میں اسے اسپتال لے کر جارہا تھا کہ اسی دوران میری بیوی نے مجھے کہا کہ یہ سانس نہیں لے رہی، اس کے بعد میں نے اسے ہلایا لیکن وہ بے جان تھی۔
انہوں نے کہا کہ اسپتال جانے تک میں اپنے اللہ سے بات کرتا رہا اور کہا کہ اللہ مجھے نہیں پتا کہ تو ہی زندگی سے نوازتا ہے اور موت بھی، اگر میری بیٹی کو زندگی سے نوازا تو میں قرآن حافظ بناؤں گا۔
سہیل سمیر نے بتایا کہ جیسے ہی ہم اسپتال میں داخل ہوئے تو میری بیوی نے کہا کہ بیٹی سانس لے رہی ہے اور پھر ہم ڈاکٹر کے پاس نہیں گئے وہیں سے واپس چلے گئے، میری بیوی نے مجھے منع کیا لیکن میں نے کہا کہ اللہ نے زندگی دینی تھی دے دی اور آج میری بیٹی بالکل ٹھیک ہے اور قرآن حافظہ ہے، یہ ایک معجزہ ہے اور میرا یہ یقین ہے کہ اللہ رازق ہے۔
