11 اگست ، 2024 
جرائم
فیصل آباد: ڈکیتی کے دوران ڈاکو نے شادی شدہ خاتون کو مبینہ زیادتی کا نشانہ بنا ڈالا
11 اگست ، 2024
فیصل آباد میں دن دیہاڑے ڈکیتی کی واردات کے دوران ڈاکوؤں نے شادی شدہ خاتون کو مبینہ زیادتی کا نشانہ بنا ڈالا۔
پولیس کے مطابق تھانہ ساندل بار کے علاقے میں چک 34 ج ب کی رہائشی فیملی جا رہی تھی کہ د ن دیہاڑے موٹرسائیکل سوار ڈاکوؤں نے پہلے شوہر سے نقدی اور موبائل فون چھینا جس کے بعد ایک ڈاکو نے اسلحہ کے زور پر اس کی بیوی کو کھیتوں میں لے جا کر زیادتی کا نشانہ بنایا۔
پولیس نے تھانہ ساندل بار میں دو نامعلوم ملزموں کے خلاف ڈکیتی اور زیادتی کی دفعات کےتحت مقدمہ کر لیا۔ پولیس نے جیو فینسنگ کی مدد سے 3 افراد کو حراست میں لے کر تفتیش شروع کردی۔
ایس ایس پی انویسٹی گیشن کے مطابق متاثرہ خاتون کا طبی معائنہ کروا کر نمونے فارنزک لیب بھجوا دیے گئے ہیں۔
