فیصل آباد میں ڈاکوؤں نے ڈیلیوری بوائے سے 12 برگر لوٹ لیے

فیصل آباد میں ڈکیتی کی انوکھی واردات ہوئی ہے اور ڈاکوؤں نےفوڈ ڈیلیوری بوائے سے 12 برگر لوٹ لیے۔ 

پولیس کے مطابق فوڈ ڈیلیوری بوائے حسنین رضا آرڈر ڈیلیور کرنے کیلئے سہیل آباد میں پہنچا تو اس کے تعاقب میں آنے والے موٹرسائیکل سوار دو ڈاکوؤں نے اسلحہ کے زور پر روک لیا۔

ڈاکوؤں نے 12 ہزار روپے نقدی کے ساتھ12 برگر بھی لوٹ لیے اور فرار ہو گئے۔

پولیس نے تھانہ ڈی ٹائپ کالونی میں نامعلوم ملزمان کے خلاف مقدمہ درج کرکے ان کی تلاش شروع کردی۔