12 اگست ، 2024 
کیا شاہ رخ خان نے واقعی بزرگ شخص کو دھکا دیا، وائرل ویڈیو کی حقیقت کیا ہے؟
12 اگست ، 2024
بالی وڈ کے کنگ خان سوشل میڈیا پر وائرل ہونے والی ویڈیو کے باعث ان دنوں تنقید کے نشانے پر ہیں۔
بھارتی میڈیا کے مطابق شاہ رخ خان کو حال ہی میں سوئٹزرلینڈ کے لوکارنو فلم فیسٹیول میں لائف ٹائم اچیومنٹ ایوارڈ دیا گیا۔
تاہم فیسٹیول کے دوران شاہ رخ خان کی ویڈو کلپ وائرل ہورہی ہے جس میں وہ تصویر کھنچوانے سے قبل ایک بزرگ شخص کو دھکا دیتے ہوئے نظر آرہے ہیں۔
ویڈیو وائرل ہوتے ہی سوشل میڈیا صارفین شاہ رخ خان کو تنقید کا نشانہ بنانے لگے، ایک صارف نے تو یہ بھی لکھا کہ شاہ رخ نے اکیلے تصویر کھنچوانے نے بزرگ کو دھکیل کر ایک طرف کردیا۔
بھارتی میڈیا کے مطابق اس تنقید کے بعد شاہ رخ خان کے فینز بھی میدان کود پڑے اور شاہ رخ کا دفاع کرنے لگے۔
فینز کی جانب سے وضاحت کی گئی ہے ویڈیو میں نظر آنے والا بزرگ شخص شاہ رخ خان کا ایک پرانا دوست ہے جس کے ساتھ شاہ رخ کی کئی تصاویر ریکارڈ پر موجود ہیں۔
ایک فین نے تو سوئٹزرلینڈ میں ہونے والی تقریب ہی کی ایک اور ویڈیو شیئر کردی جس میں شاہ رخ خان کو ریڈ کارپٹ پر اسی شخص کے ساتھ چلتے ہوئے دیکھا جاسکتا ہے۔
مزید خبریں :
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
