پاکستانی ایتھلیٹ حیدر علی کی پیرالمپکس میں شرکت کے مسائل حل ہوگئے

پاکستانی پیرا ایتھلیٹ حیدر علی کی پیرالمپکس میں شرکت کے مسائل حل ہوگئے۔

پیرا ایتھلیٹ حیدر علی نے ڈائریکٹر جنرل پاکستان اسپورٹس بورڈ(ڈی جی پی ایس بی) یاسر پیرزادہ سے ملاقات کی۔

ملاقات میں اس بات کی یقین دہانی کروائی گئی کہ پی ایس بی پیرا لمپکس میں حیدر علی سمیت پاکستانی دستے کو اسپانسر کرے گا۔

حیدر علی کے ساتھ 2 آفیشلز بھی پیرس میں پیرا لمپکس میں شرکت کریں گے۔

واضح رہے کہ حیدر علی کو درپیش فنڈنگ کے مسائل کی نشاندہی گزشتہ دنوں جیو نیوز پر کی گئی تھی۔

پیرا لمپکس 28 اگست سے  8 ستمبر2024 تک پیرس میں منعقد ہوں گے۔