13 اگست ، 2024 
بنگلادیش کی کرکٹ ٹیم ٹیسٹ سیریز کھیلنے کیلئے لاہور پہنچ گئی
13 اگست ، 2024
بنگلادیش کی کرکٹ ٹیم ٹیسٹ سیریز کھیلنے کیلئے لاہور کے علامہ اقبال ائیرپورٹ پہنچ گئی۔
بنگلادیش ٹیم کو سخت سکیورٹی میں نجی ہوٹل پہنچایا گیا، شیڈول کے مطابق مہمان ٹیم آج آرام کرے گی۔
بنگلادیش کی ٹیم 14 اگست کو لاہور کے قذافی اسٹیڈیم میں پہلا ٹریننگ سیشن کرے گی، تین دن تک ٹریننگ کے بعد 17 اگست کو بنگلادیش کی ٹیم اسلام آباد کیلئے روانہ ہوگی، مہمان ٹیم اپنے دورے کے دوران دو ٹیسٹ میچز کی سیریز کھیلے گی۔
سیریز کا پہلا میچ 21 اگست سے راولپنڈی جبکہ دوسرا ٹیسٹ 30 اگست سے کراچی میں شروع ہوگا۔
بنگلادیش کی ٹیم میں عوامی لیگ کے رکن شکیب الحسن بھی شامل ہوں گے، شکیب الحسن شیخ حسینہ کی حکومت کے ساتھ بطور رکن پارلیمان کام کررہے تھے۔
بنگلادیش میں شیخ حسینہ واجد کی حکومت اور کابینہ میں شامل افراد کے خلاف سخت ردعمل پایا جاتا ہے۔
شکیب الحسن بنگلادیش میں ہونے والے فسادات کے دوران کینیڈا میں ٹی ٹوئنٹی لیگ میں مصروف تھے اور کینیڈا سے ہی پاکستان پہنچے گے۔
بنگلادیشی ٹیم کو پہلے 17 اگست کو اسلام آباد پہنچنا تھا تاہم ڈھاکہ میں حالیہ صورتحال کی وجہ سے پی سی بی نے بنگلادیش کرکٹ بورڈ کو اپنی ٹیم پہلے بھیجنے کی دعوت دی تھی۔
بنگلادیش کرکٹ بورڈ نے پی سی بی کی دعوت قبول کرتے ہوئے ٹیم کو پریکٹس کیلئے پہلے بھیجنے کا فیصلہ کیا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
