15 اگست ، 2024 
افغانستان سے درآمد سبزیوں اور پھلوں کی قیمتوں میں اضافے کی وجہ نئے ٹیکسز قرار
15 اگست ، 2024
افغانستا سے پھل اور سبزیاں درآمد کرنے والے تاجروں اور آڑہتیوں نے قیمتوں میں اضافے کی وجہ نئے ٹیکس کو قراردیدیا ہے۔
سبزیاں اور پھل درآمد کرنے والے آڑہتیوں کا کہنا ہے کہ افغانستان سے آنے والی مختلف سبزیوں اور پھلوں پر بھاری بھرکم ٹیکسز عاید کئے گئے ہیں، جس سے سبزیوں اور پھلوں کی قیمتیں آسمان کو چھونے لگی ہیں اور آڑہتیوں کو مال فروخت کرنے میں دشواری کا سامنا ہے۔
انہوں نے کہا کہ مہنگائی کی ایک بڑی وجہ یہ بھاری بھرکم نئے ٹیکسز ہیں، ٹیکسز جتنے زیادہ ہونگے سپلائی اتنی ہی کم ہوگی، آڑہتیوں اور عوام دونوں کو ہی ان ٹیکسز سے مشکلات درپیش ہیں۔
آل پاکستان ایگری کلچرل پروڈیوسرز ٹریڈرز فیڈریشن کے صدر ملک سوہنی کا کہنا تھا کہ سبزیوں میں ٹماٹر، بند گوبی، کھیرا جبکہ پھلوں میں خوبانی، تربوز اور انار جیسے پھلوں پر ٹیکسز عاید کئے گئے ہیں اور انگور جیسا پھل بھی بھاری ٹیکس کی وجہ سے بہت کم مقدار میں دستیاب ہے۔
انہوں نے کہا کہ یہ تمام سبزیاں اور پھل افغانستان سے درآمد کیے جاتے ہیں، ان ٹیکسز کی وجہ سے عوام کی قوت خرید جواب دے رہی ہے۔
ملک سوہنی کا کہنا تھا کہ پھلوں اور سبزیوں پر 1000 سے 2500 فیصد تک کا ٹیکس لگایا گیا ہے جبکہ ان ٹیکسز کی وجہ سے ٹرک اور ٹریلرز کی تعداد بھی 500 سے کم ہو کر 100 سے 150 کے لگ بھگ رہ گئی ہے۔
انہوں نے حکومت کو مشورہ دیتے ہوئے کہا کہ حکومت منڈیوں کے آڑہتیوں اور تاجروں سے مشاورت کے بعد ان ٹیکسز کے مسئلے کو حل کرنے کیلئے اقدامات کرے۔
مزید خبریں :
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
روف سولر پینل ٹیرف میں کمی پر غور
21 نومبر ، 2024
