16 اگست ، 2024 
انٹرٹینمنٹ
یہ ایک الیکٹرونک پاپ ٹریک گانا ہے جسے امریکا کے ایم ٹی جی پروڈکشن ہاؤس کے اشتراک سے تیار کیا گیا ہے/ فوٹو یوٹیوب
فواد خان کا نیا گانا ریلیز، نامور پاکستانی شخصیات کو خراج تحسین
16 اگست ، 2024
پاکستان کے سپر ہٹ اداکار و گلوکار فواد خان کا نیا گانا 'تارا' ریلیز ہوگیا۔
یہ ایک پاپ ٹریک گانا ہے جسے امریکا کے ایم ٹی جی پروڈکشن ہاؤس کے اشتراک سے تیار کیا گیا ہے۔
یہ گانا پاکستانی گلوکار علی عظمت کے مشہور گانے ’تارا جلا‘ اور امریکی گلوکارہ ریحانہ کے مقبول گانے’ڈائمنڈز‘ کا خوبصورت مکسچر ہے جس میں دنیا بھر کی بااثرشخصیات کو خراج تحسین پیش کیا گیا ہے۔
فواد خان کے علاوہ اس گانے میں گلوکار بلال علی اور پاکستانی نژاد فلپائنی گلوکارہ ماریہ اونیرا نے بھی اپنی آواز کا جادو جگایا ہے۔
یہ گانا رواں ماہ کی 10 تاریخ کو ریلیز کیا گیا تھا جس کی ہدایت کاری ایم ٹی جی پروڈکشن کی بانی ماہین مصطفیٰ نے کی ہے جسے تمام اسٹریمنگ پلیٹ فارمز پر دیکھا جاسکتا ہے۔
