17 اگست ، 2024 
پاکستان
فیکڑی میں مزدروں کے رہائشی کمرے کی چھت پختہ نہیں تھی، ملبے سے لاشوں اور زخمی کو نکال کر اسپتال منتقل کر دیا گیا ہے: ریسکیو حکام۔ فوٹو فائل
فیصل آباد میں چھتیں بنانیوالی فیکٹری کی چھت گر گئی، 3 مزدور جاں بحق
17 اگست ، 2024
فیصل آباد میں بارش کے باعث فیکٹری کی چھت گرنے سے 3 مزدور جاں بحق اور ایک زخمی ہو گیا۔
ریسکیو حکام کے مطابق فیصل آباد کے علاقے فیڈمیک میں بارش کے باعث فیکٹری کے اندر بنے ایک کمرے کی چھت گر گئی، چھت گرنے سے 3 مزدور جاں بحق اور ایک زخمی ہوا۔
ریسکیو حکام کا بتانا ہے کہ چھت گرنے کا واقعہ سیمینٹ کی چھتیں تیار کرنے والی فیکڑی میں پیش آیا۔
حکام کا کہنا ہے کہ فیکڑی میں مزدروں کے رہائشی کمرے کی چھت پختہ نہیں تھی، ملبے سے لاشوں اور زخمی کو نکال کر اسپتال منتقل کر دیا گیا ہے۔
