19 اگست ، 2024 
اسرائیل فوج کا غزہ میں کوریج کرنیوالے صحافیوں پر حملہ، براہ راست گولیاں چلائیں
19 اگست ، 2024
اسرائیل فوج کی جانب سے غزہ میں صحافیوں پر حملہ کیا گیا اور خان یونس میں کوریج کرنے والے صحافیوں پر صیہونی فوجیوں نے براہ راست گولیاں چلائیں۔
عرب میڈیا رپورٹس کے مطابق اسرائیلی فوج نے ایک خاتون صحافی کو کمر میں گولی مار کر زخمی کر دیا، دیگر صحافیوں نے بھاگ کر اپنی جانیں بچائیں۔
غزہ کے مختلف علاقوں میں اسرائیلی بمباری سے 25 فلسطینی شہید اور متعدد زخمی ہو گئے۔
دوسری جانب القسام بریگیڈ نے اسرائیلی قافلے پر حملے کی ویڈیو جاری کر دی اور فلسطینی مزاحمتی تنظیم کی جانب سے حملے میں متعدد اسرائیلی فوجیوں کی ہلاکت کا دعویٰ کیا گیا ہے۔
جنوبی لبنان میں اقوام متحدہ کی گاڑی کے نزدیک دھماکے میں تین یو این اہلکار زخمی ہو گئے۔
غزہ جنگ بندی مذاکرات پر مزید بات چیت کے لیے اسرائیلی مذاکرات کار قاہرہ جائیں گے، امریکی وزیر خارجہ انٹونی بلنکن بھی دورہ اسرائیل کے بعد مصر کے دارالحکومت پہنچیں گے۔
خیال رہے کہ 7 اکتوبر 2023 سے جاری اسرائیلی حملوں میں اب تک 40 ہزار سے زائد فلسطینی شہید اور 90 ہزار سے زائد زخمی ہو چکے ہیں جن میں خواتین اور بچوں کے علاوہ صحافی، طبی عملے کے افراد اور بین الاقوامی فلاحی تنظیموں کے اہلکار بھی شامل ہیں۔
مزید خبریں :
شہد کی مکھیوں کے حملے سے 90 سالہ بزرگ خاتون ہلاک
5 گھنٹے پہلے
