19 اگست ، 2024 
القسام بریگیڈز نے گزشتہ روز تل ابیب میں ہونیوالے بم دھماکے کی ذمہ داری قبول کرلی
19 اگست ، 2024
فلسطینی مزاحمتی تنظیم حماس کے مسلح ونگ القسام بریگیڈز نے گزشتہ روز اسرائیلی دارالحکومت تل ابیب میں بم دھماکے کی ذمہ داری قبول کرلی۔
القسام بریگیڈز کی جانب سے جاری کیے جانے والے بیان میں کہا گیا ہے کہ اسرائیلی دارالحکومت تل ابیب میں آپریشن اسلامی جہادکے مسلح ونگ القدس بریگیڈز کےساتھ مل کر کیا۔
خیال رہے کہ تل ابیب میں گزشتہ روز ہونے والے دھماکے میں ایک شخص ہلاک اور دوسرا زخمی ہوا تھا۔
اسرائیلی حکام نےتل ابیب میں ہونے والے حملےکو دہشت گرد حملہ قرار دیا ہے۔
اسرائیلی حکام کا کہنا ہے کہ تل ابیب میں ہونے والے دھماکے میں مارے جانے والا شخص بمبار ہےجس نے بیگ میں بم رکھا ہوا تھا، دھماکے میں ہلاک ہونے والے شخص کی شناخت کا عمل جاری ہے۔
اسرائیلی حکومت کے ترجمان کا کہنا ہے کہ ببمار کے زیادہ آبادی والے مقام تک پہنچنے سے قبل ہی اس کے بیگ میں رکھا بارودی مواد پھٹ گیا۔
دوسری جانب القسام بریگیڈز اور القدس بریگیڈز کی جانب سے جاری بیان میں کہا گیا ہے جب تک اسرائیلی قبضہ اور قتل و غارت جاری رہے کہ اس قسم کے حملوں کا سلسلہ بھی جاری رہے گا۔
مزید خبریں :
البانیہ نے ٹک ٹاک پر ایک سال کیلئے پابندی لگا دی
10 گھنٹے پہلے
ترکیہ میں ہیلی کاپٹر حادثے میں 4 افراد ہلاک
11 گھنٹے پہلے
