19 اگست ، 2024 
خوشی کپور نے خوبصورتی کیلئے ناک اور ہونٹ کی سرجری کرانے کا اعتراف کرلیا
19 اگست ، 2024
بالی وڈ کی آنجہانی اداکارہ سری دیوی کی بیٹی اداکارہ خوشی کپور نے اپنی خوبصورتی میں اضافے کے لیے ناک اور ہونٹ کی سرجری کرانے کا اعتراف کیا ہے۔
اداکارائیں ویسے تو خوبصورتی کیلئے سرجریز کروانے کے باوجود اس بات کا برملا اظہار نہیں کرتیں اور اکثر سرجری کے سوال سے کتراتی ہی ہیں۔
لیکن گزشتہ سال اپنے بالی وڈ کیریئر کا آغاز کرنے والی اداکارہ خوشی کپور نے خوبصورتی میں اضافے کیلئے ہونٹ اور ناک کی سرجری کرنے کا بڑے آرام سے اعتراف کیا ہے۔
گزشتہ دنوں ایک پرانی ویڈیو سوشل میڈیا پر منظر عام پر آئی جس میں 12 سال کی خوشی کو اپنی والدہ سری دیوی کے ساتھ ایک ایوارڈ تقریب میں شرکت کرتے دیکھا گیا۔
جیسے ہی یہ پرانی ویڈیو سوشل میڈیا پر نظر آئی تو صارفین نے کمنٹس کرتے ہوئے خوشی کپور کو ٹیگ کیا کہ آپ پہلے بہت مختلف تھیں اور اب الگ نظر آتی ہیں، خاص طور پر آپ کی ناک اور ہونٹوں میں بہت تبدیلی آئی ہے۔
اداکارہ نے صارف کو جواب دیتے ہوئے اعتراف کیا کہ انہوں نے خوبصورتی میں اضافے کیلئے ہونٹ اور نا ک کا ٹریٹمنٹ کروایا تھا۔
خوشی کی جانب سے اس اعتراف کے بعد انہیں صارفین کی جانب سے کافی سراہا جارہا ہے۔
صارفین کا خیال ہے کہ اتنی سچائی سے سرجری کا اعتراف کرنے کیلئے مشہور شخصیات کو کافی ہمت کی ضرورت ہوتی ہے جبکہ اکثر اداکارائیں تو قبول ہی نہیں کرتیں لیکن خوشی نے بڑی آسانی سے اس چیز کا اعتراف کیا ہے جو کہ قابل تعریف ہے۔
واضح رہے کہ خوشی سری دیوی اور بونی کپور کی چھوٹی بیٹی ہیں جبکہ ان کی بڑی بہن جھانوی کپور بھی بالی وڈ کی معروف اداکارہ ہیں۔
خوشی کپور نے 2023 میں زویا اختر کی فلم دی آرچیز سے بالی وڈ ڈیبیو کیا تھا۔
مزید خبریں :
ریکھا کے خاتون مینیجر سے تعلقات کی خبروں نے نیا تنازع کھڑا کردیا
16 دسمبر ، 2024
