21 اگست ، 2024 
95 سالہ شخص نے بلآخر اپنی 60 سال پرانی محبت سے شادی کرلی، تصویر دیکھیں
21 اگست ، 2024
کینیا کے ایک 95 سالہ شخص نے اپنی 90 سالہ دیرینہ دوست سے ملاقات کے 6 دہائیوں بعد شادی کرلی۔
غیر ملکی میڈیا کے مطابق ابراہیم مبوگو نے اتوار کو ایک چرچ میں تبیتھا وانگوئی کے ساتھ شادی کی، دونوں کی محبت تقریباً 60 سال پرانی تھی جو اب 6 دہائیوں بعد میاں بیوی کے رشتے میں تبدیل ہوگئی۔
میڈیا سے بات کرتے ہوئے ابراہیم نے انکشاف کیا کہ ہم دونوں کی ملاقات 1960 میں ہوئی تھی، کیا آپ نے سنا؟ ہم 64 برس قبل ایک دوسرے سے ملے تھے۔
انہوں نے بتایا کہ دونوں کرسچن ہیں اسی لیے انہوں نے کینین رسم و رواج کے بجائے چرچ میں شادی کی۔
90 سالہ تبیتھا وانگوئی نے نوجوان نسل کو مشورہ دیا کہ خواتین آپ کو اپنے شوہروں کی عزت کرنی چاہیے، اگر آپ ایسا کریں گی تو آپ کی محبت بھی ہماری طرح تاحیات زندہ رہے گی۔
خاتون نے کہا کہ کوئی غلط کام نہ کریں اور جب آپ ایسا کریں تو معافی مانگ لیں زندگی آسان ہوجائے گی۔
یہ واضح نہیں کہ دونوں نے اس عمر میں شادی کیوں اور کیسے کی یا اس سے قبل بھی دونوں شادی شدہ تھے یا نہیں۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
