27 اگست ، 2024 
پاکستان
فوٹو: فائل
شیخوپورہ میں وفاقی وزیر احسن اقبال کا موبائل فون جیب سے نکال لیا گیا
27 اگست ، 2024
پنجا ب کے شہر شیخوپورہ میں وفاقی وزیراحسن اقبال کا موبائل فون جیب سے نکال لیا گیا۔
پولیس ذرائع کا کہنا ہے کہ احسن اقبال شیخوپورہ میں ایم پی اے رانا افضال حسین کی نماز جنازہ میں شریک ہوئے تھے اس دوران کسی نے ان کی جیب سے موبائل فون نکال لیا۔
پولیس ذرائع کا کہنا ہے کہ وفاقی وزیر احسن اقبال کا موبائل فون ٹریس کرنے کی کوشش کی جا رہی ہے۔
یاد رہے کہ گزشتہ روز مسلم لیگ ن کے رکن پنجاب اسمبلی رانا افضال اپنی رہائشگاہ پر دل کا دورہ پڑنے سے انتقال کرگئے تھے۔
