ریلوے پولیس نے مسافرکو نقدی اور قیمتی سامان والا گمشدہ بیگ لوٹا دیا

کراچی: ریلوے پولیس نے مسافرکو اس کاگمشدہ بیگ لوٹا دیا جس کی تصدیق ترجمان ریلوے کی جانب سے کی گئی ہے۔

ریلوے کے ترجمان نے بتایا کہ مسافر کے بیگ میں نقدی اور دیگر قیمتی سامان تھا، مسافر محیب اللہ پاکستان ایکسپریس کا مسافر تھا جو کراچی سے بہاولپور سفرکر رہاتھا۔

ترجمان پاکستان ریلوے کا بتانا ہے کہ مسافربہاولپور اسٹیشن پر اترتے وقت اپنا بیگ ٹرین میں ہی بھول گیا تھا، مسافر کا پتہ لگانے کے بعد اسے اس کا سامان لوٹا دیا گیا ہے۔