الیکشن کمیشن نے این اے 79 گوجرانوالا میں دوبارہ گنتی کا حکم دے دیا

الیکشن کمیشن نے قومی اسمبلی کے حلقہ این اے 79 گوجرانوالا میں دوبارہ گنتی کا حکم دے دیا۔

الیکشن کمیشن نے فیصلے میں کہا کہ ریٹرنگ آفیسر دو روز میں دوبارہ گنتی کرکے فارم 49 جاری کرے، دوبارہ گنتی کے بعد کامیاب امیدوار کا نوٹیفکیشن جاری کیا جائے۔

فیصلے کے متن کے مطابق سپریم کورٹ فیصلے میں دوبارہ گنتی کا اختیار الیکشن کمیشن کو دےچکی ہے، دوبارہ گنتی میں ریٹرنگ افسر مسترد شدہ ووٹوں کا بھی جائزہ لے اور گنتی کراکر دو روز میں رپورٹ جمع کرائے۔

خیال رہے کہ این اے 79 گوجرانوالہ سے پاکستان تحریک انصاف کے حمایت یافتہ آزاد امیدوار احسان ورک کامیاب ہوئے تھے۔ مسلم لیگ ن کے ذوالفقار علی بھنڈر نے دوبارہ گنتی کی درخواست دی تھی۔