27 اگست ، 2024 
جرائم
ملزم اور مقتول کی عمر 13 سے 14 سال کے درمیان ہے،فوٹو: فائل
سرگودھا: انٹرنیٹ پر تلخ کلامی، آٹھویں کلاس کے طالبعلم نے دوست کو فائرنگ کرکےقتل کردیا
27 اگست ، 2024
سرگودھا میں انٹرنیٹ پر ہونے والی تلخ کلامی پر آٹھویں کلاس کے طالب علم نے دوست کو فائرنگ کرکے قتل کردیا۔
پولیس کے مطابق سرگودھا کے علاقے ظفرکالونی میں آٹھویں کلاس کے دو طالب علم دوستوں کے درمیان انٹرنیٹ پر تلخ کلامی ہوئی۔
ایک طالب علم نے دوسرے طالب علم کو گھر جا کر فائرنگ کرکےقتل کردیا۔ ملزم اور مقتول کی عمر 13 سے 14 سال کے درمیان ہے۔
پولیس کے مطابق فائرنگ کے بعد ملزم اور اس کے اہل خانہ فرار ہوگئے۔ مقتول طالب علم کے والد کی مدعیت میں مقدمہ درج کرلیا گیا ہے، لاش ورثاء کے حوالے کردی گئی ہے اور ملزم کی گرفتاری کے لیے کوشش جاری ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
