01 ستمبر ، 2024 
پاکستان
شہری ندی نالوں کی جانب جانے سے اجتناب کریں، مال مویشی کو بروقت محفوظ مقام پر منتقل کر لیں: اسلام آباد انتظامیہ۔ فوٹو فائل
راول ڈیم میں پانی انتہائی سطح تک پہنچ گیا، اسپل ویز کھولنے کا فیصلہ
01 ستمبر ، 2024
اسلام آباد: راول ڈیم میں پانی انتہائی سطح 1752 فٹ تک پہنچ گیا۔
ضلعی انتظامیہ کی جانب سے پانی انتہائی سطح تک پہنچنے راول ڈیم کے اسپل ویز کھولنے کا فیصلہ کیا ہے۔
ضلعی انتظامیہ کا کہنا ہے کہ راول ڈیم کے اسپل ویز آج شام 4 بجے کھولے جائیں گے، شہری ندی نالوں کی جانب جانے سے اجتناب کریں اور نشیبی علاقوں کے مکین احتیاطی تدابیر پرعمل کریں۔
ضلعی انتظامیہ نے عوام سے کسی بھی ایمرجنسی کی صورت میں 16 پر رابطہ کرنے کی ہدایت بھی کی ہے۔
اسلام آباد کی انتظامیہ کا کہنا ہے کہ مال مویشی کو بروقت محفوظ مقام پر منتقل کر لیا جائے، اسپل ویز کھولنے کے بعد ندی نالوں اور پلوں کی سخت مانیٹرنگ جاری رکھی جائے گی۔
