03 ستمبر ، 2024 
ہانیہ عامر کے بھارت میں چرچے، معروف بھارتی صحافی نے انٹرویو کیلئے وقت مانگ لیا
03 ستمبر ، 2024
پاکستان شوبز انڈسٹری کی ڈمپل گرل ہانیہ عامر کی مقبولیت ناصرف پاکستان بلکہ پڑوسی ملک بھارت میں بھی خوب ہے جس کا اندازہ حال ہی میں سامنے آنے والے ایک کمنٹ سے لگایا جاسکتا ہے۔
بھارت کی معروف انٹرنیٹ پرسنیلٹی اور صحافی فریدون شہریار جو متعدد سپر ہٹ بالی وڈ اداکاروں کے انٹرویوز کر چکے ہیں، انہوں نے حال ہی میں ہانیہ عامر کا انٹرویو لینے کی خواہش کا اظہار کیا ہے۔
فریدون کے کمنٹ کا ایک اسکرین شاٹ سوشل میڈیا سائٹ انسٹاگرام پر خوب وائرل ہورہا ہے، اس وائرل اسکرین شاٹ میں فریدون نے ہانیہ کے حالیہ ڈرامے میں ان کی اداکاری کی تعریف کی۔
ساتھ ہی انہوں نے لکھا 'آپ کے ساتھ انٹرویو کرنا ہے، برائے مہربانی بتائیں کہ کس طرح یہ ممکن ہوسکتا ہے'۔
اداکارہ کے مداح یہ کمنٹ دیکھ کر بے حد خوش ہوئے اور ہانیہ کو فوری طور پر انٹرویو کے لیے رضامند ہونے کا مشورہ بھی دیا۔
یہاں یہ بات بھی قابلِ ذکر ہے کہ اگر اداکارہ ہانیہ عامر کی انسٹاگرام پروفائل پر موجود تصاویر دیکھی جائیں تو اس پر متعدد بھارتی مداحوں کے تبصرے موجود ہیں جو ہانیہ کے کام کے ساتھ ان کو بھی سراہتے ہیں۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
اداکارہ ہانیہ عامر نے شاہ رخ خان سے ملاقات کی خواہش کردی
13 نومبر ، 2024
