03 ستمبر ، 2024 
ڈی آر کانگو میں جیل سے فرار کی کوشش میں 129قیدی ہلاک ہوگئے
03 ستمبر ، 2024
کنشاسا: افریقی ملک ڈیموکریٹک ریپبلک آف دی کانگو میں جیل توڑ کر فرار ہونے کی کوشش میں 129 افراد جان سے گئے۔
ڈی آر کانگو حکومت کی جانب سے جاری بیان میں بتایا گیا ہے کہ دارالحکومت کنشاسا میں سینٹرل مکالا جیل سے فرار ہونے کی کوشش میں 129 قیدی مارے گئے، صورتحال اب حکومت کے کنٹرول میں ہے۔
حکومتی بیان کے مطابق جیل سے فرار ہونے کی کوشش میں ہلاک ہونے والے 24 قیدیوں کو اس دوران وارننگ بھی دی گئی جب کہ واقعے میں 59 افراد زخمی بھی ہوئے۔
بیان میں مزید کہا گیا کہ جیل ٹوٹنے اور قیدیوں کے فرار ہونے کی کوشش کے دوران جیل کے اندر آگ بھی لگی اور بہت سے لوگ بھگڈر کے نتیجے میں بھی کچلےگئے جب کہ اس دوران کچھ خواتین کے ساتھ زیادتی کے واقعات بھی ہوئے۔
روئٹرز کے مطابق ایک حکومتی نمائندے نے بتایا کہ کوئی بھی قیدی فرار ہونے میں کامیاب نہیں ہوسکا اور جنہوں نے فرار ہونے کی کوشش کی وہ مارے گئے۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
10 گھنٹے پہلے
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
