04 ستمبر ، 2024 
کراچی پولیس نے اپنے پیٹی بھائی کو بھی نہ بخشا، رشوت مانگنے کی ویڈیو وائرل
04 ستمبر ، 2024
کراچی پولیس نے رشوت میں اپنے پیٹی بھائی کو بھی نہ بخشا اور شکایت درج کرانے کے لیے آنیوالے اہلکار سے رقم مانگ لی جس کی اہلکار نے ویڈیو بناکر وائرل کردی۔
رشوت لینے کا واقعہ ایسٹ کمپلین سیل میں پیش آیا جہاں خاتون اہلکار نے متاثرہ اہلکار سے 50 ہزار روپے سے زائد رشوت کا مطالبہ کیا جس پر متاثرہ اہلکار نے کہا کہ میرے پاس صرف 30 ہزار ہیں۔
ترجمان کراچی پولیس کے مطابق خاتون اہلکار کی جانب سے رشوت کا مطالبہ کرنے کی ویڈیو وائرل ہونے کے بعد ایڈیشنل آئی جی نے ویڈیوکانوٹس لے لیا۔
پولیس ترجمان کا بتانا ہے کہ رشوت لینے میں ملوث تمام اہلکاروں کو معطل کرکے ایس ایس پی ایسٹ سے رپورٹ طلب کرلی گئی ہے۔
ایس ایس پی ایسٹ فرخ رضا نے بتایا کہ کمپلین سیل کی 4خواتین اہلکاروں کو معطل کرکے واقعے کی انکوائری شرو ع کردی گئی ہے۔
پولیس کا کہنا ہےکہ متاثرہ شخص بھی پولیس اہلکار ہے جو اپنے خلاف درج شکایت کے سلسلے میں کمپلین سیل گیا تھا۔
مزید خبریں :
پی ٹی آئی کی کوئٹہ میں جلسہ کرنے کی درخواست مسترد
5 گھنٹے پہلے
