06 ستمبر ، 2024 
جرائم
فوٹو: فائل
فیصل آباد: جائیداد کی تقسیم پر تنازعہ، بیٹوں نے 57 سالہ باپ کو قتل کردیا
06 ستمبر ، 2024
فیصل آباد میں جائیداد کی تقسیم کے تنازعے پر بیٹوں نے فائرنگ کر کے 57 سالہ باپ کو قتل کردیا اور فرار ہو گئے۔
پولیس کے مطابق واقعہ تھانہ مدینہ ٹاؤن کے علاقہ گٹ والا کے قریب پیش آیا جہاں مقتول نوازش علی ایک بیکری سے موٹرسائیکل پر سوار ہو کر روانہ ہو رہا تھا کہ پیدل بھاگتے ہوئے آنے والے شخص نے پسٹل سے اندھا دھند فائرنگ کر کے اسے قتل کردیا۔
پولیس کا کہنا تھا کہ مقتول نوازش علی پر فائرنگ کرنے والا مقتول کا بیٹا ہے، واقعے کا مقدمہ مقتول کے تین بیٹوں ملزمان عتیق، نبیل اور توصیف الرحمان کے خلاف درج کرلیا گیا ہے۔
مقدمے میں مقتول کی بیٹی نے الزام عائد کیا ہے کہ تینوں بیٹوں نے جائیداد کی تقسیم کے تنازع پر اپنے باپ کو قتل کیا ہے۔
مزید خبریں :
’بچے بہت چیختے تھے‘، ماں نے جڑواں بچوں کے گلے کاٹ کر قتل کر ڈالا
20 دسمبر ، 2024
