09 ستمبر ، 2024 
سیاسی جماعت کے جلسے میں نازیبا زبان استعمال کی گئی، جتنی بھی مذمت کی جائے کم ہے: وزیراعظم
09 ستمبر ، 2024
وزیراعظم شہباز شریف نے کہا کہ گزشتہ روز ایک سیاسی جماعت کے جلسے میں نازیبا زبان استعمال کی گئی، ایسی نازیبا زبان کے استعمال کی جتنی بھی مذمت کی جائے کم ہے۔
وزیراعظم شہبازشریف کی جانب سے اتحادی جماعتوں کے پارلیمنٹیرینز کے اعزاز میں عشائیہ دیا گیا۔
عشائیے سے خطاب میں شہباز شریف کا کہنا تھاکہ اگست میں مہنگائی 9.6 فیصد پر آنا معیشت میں بہتری کا عکاس ہے، ہم نے اپنی سیاست کی قربانی دےکرملکی معیشت کو بچایا، معیشت کی ڈیجیٹائز یشن حکومت کی اولین ترجیح ہے۔
انہوں نے کہا کہ ایف بی آر کی مکمل ڈیجیٹائزیشن کا آغاز اہم سنگ میل ہے۔
پی ٹی آئی جلسے پر وزیراعظم کا کہنا تھاکہ گزشتہ روز ایک سیاسی جماعت کے جلسے میں نازیبا زبان استعمال کی گئی، ایسی نازیبازبان کے استعمال کی جتنی بھی مذمت کی جائے کم ہے۔ انہوں نے کہاکہ ملک کو سیاسی استحکام اور پالیسیوں کے تسلسل کی ضرورت ہے۔
خیال رہے کہ گزشتہ روز پی ٹی آئی نے اسلام آباد میں جلسہ کیا جس کیلئے اسلام آباد کی ضلعی انتظامیہ نے پی ٹی آئی کو شام 7 بجے تک جلسہ کرنے کا این او سی جاری کیا تھا لیکن اس کے باوجود جلسہ دیر تک جاری رہا۔
