10 ستمبر ، 2024 
کتے رات کو کیوں بھونکتے یا روتے ہیں؟
10 ستمبر ، 2024
کتے رات میں اکثر بھونکتے یا روتے ہیں جس کی وجہ سے لوگوں میں خوف پیدا ہوجاتا ہے اور اس کو لے کر کچھ لوگ یہ سمجھتے ہیں کہ اب کچھ برا ہونے والا ہے۔
تاہم معاشرے میں موجود یہ سوچ درست نہیں کہ کتوں کے رونے یا بھونکنے سے کچھ برا نہیں ہوتا ہے بلکہ یہ ان کے رویے کا ایک حصہ ہے جس کے ذریعے وہ آپس میں بات چیت کرتے ہیں۔
غیر ملکی میڈیا میں شائع ایک رپورٹ کے مطابق سڑک یا گلی میں موجود کتے رات کے وقت اس لیے بھونکتے ہیں تاکہ وہ اپنی موجودگی کا دعویٰ اور اپنے علاقے کا دفاع کرسکیں، ایسا کرکے کتے علاقے میں غلبہ قائم کرتے ہیں اور کسی دوسرے علاقے کے کتوں کو اپنی جگہ پر آنے نہیں دیتے۔
اس کے علاوہ کتے بھونک کر اپنے ساتھیوں کو بھی خطرے سے آگاہ کرتے ہیں اور انہیں خبردار کرتے ہیں۔
کتوں کے رونے کی وجہ؟
کتے بہت عجیب اور بہت زور سے روتے ہیں جو ہم انسانوں کو خوف میں مبتلا کردیتے ہیں۔
اس حوالے سے رپورٹ میں بتایا گیا ہے کہ کتے کسی بیماری یا تکلیف میں مبتلا ہونے کی وجہ سے روتے ہیں جب کہ موسم کی سختی بھی ان کے رونے کی وجہ بن سکتی ہے۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
