14 ستمبر ، 2024 
چیمپئنز کپ کی پلیئنگ کنڈیشنز میں تبدیلیاں، بونس پوائنٹ کا قانون تبدیل
14 ستمبر ، 2024
پاکستان کرکٹ بورڈ نے فیصل آباد میں جاری چیمپئنز کپ ون ڈے کی پلیئنگ کنڈیشنز میں تبدیلیاں کرتے ہوئے بونس پوائنٹ کا قانون تبدیل کردیا۔
پی سی بی نے اس بات کی تصدیق کی ہے کہ بونس پوائنٹ کے قانون میں تبدیلی کی گئی ہے اور نئی پلیئنگ کنڈیشنز میں ٹیموں کا بونس پوائنٹ نیٹ رن ریٹ کے فرق پر ہوگا، ایک رن فی اوور کے فرق پر ایک بونس پوائنٹ، دو رنز کے فرق پر دو بونس پوائنٹ ہوں گے۔
تین رن فی اوور کے رن ریٹ فرق پر 3 بونس پوائنٹ ملیں گے۔
اس سے قبل کی پلیئنگ کنڈیشنز کے مطابق ٹیموں کو وکٹ یا رنز کے مارجن سے جیت کی بنیاد پر بونس پوائنٹ ملنا تھے۔ پی سی بی ترجمان کے مطابق اس تبدیلی کا فیصلہ ایونٹ میں مقابلوں کو دلچسپ بنانے اور مثبت و جارح کرکٹ کو یقینی بنانے کیلئے کیا گیا۔
پلیئنگ کنڈیشنز کے مطابق ایونٹ میں اگر کوئی میچ اننگز مکمل ہوئے بغیر واش آؤٹ یا منسوخ ہوا تو اس پر کسی ٹیم کو کوئی پوائنٹ نہیں ملے گا۔
350 رنز اسکور کرنے پر ایک اور 375 کرنے پر دو بونس پوائنٹ ملیں گے جبکہ پہلے پاوور پلے میں تین وکٹیں لینے یا 80 رنز کرنے پر بھی بونس پوائنٹ حاصل ہوگا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
