19 ستمبر ، 2024 
سعودیہ میں پرانے طیاروں کی بذریعہ ٹرک منتقلی کی تصاویر سوشل میڈیا پر ٹرینڈکیوں کر رہی ہیں؟
19 ستمبر ، 2024
سعودی عرب میں3 پرانے بوئنگ 777 طیاروں کی جدہ سے ریاض بذریعہ ٹرکوں کے ذریعے منتقلی نے دنیا بھر کی توجہ حاصل کی ہے اور اس کی تصاویر سوشل میڈیا بالخصوص ایکس پر ٹرینڈ کر رہی ہیں۔
عرب میڈیا کے مطابق 3 پرانے بوئنگ 77 طیارے جدہ سے ریاض بذریعہ سڑک منتقل کیے گئے۔ یہ طیارے بذریعہ ٹرک جدہ سے ایک ہزار کلومیٹر کا سفر 12 دنوں میں طے کرکے ریاض پہنچے۔
اس دوران طیارے جہاں سے بھی گزرے، مقامی لوگوں نے والہانہ استقبال کیا اور قومی پرچم، قہوے اور روایتی رقص کے ساتھ طیاروں کا خیرمقدم کیا۔ سعودی شہریوں کی جانب سے طیاروں کی تصاویر بڑی تعداد میں سوشل میڈیا پلیٹ فارم ایکس پر اپلوڈ کی گئیں اور یہ تصویر ٹرینڈ کرنے لگیں۔
سعودی شہریوں کی جانب سے طیاروں کی تصاویر بڑی تعداد میں ایکس پر شیئر کرنے کی وجہ یہ ہے کہ سعودی عرب کی جنرل انٹرٹینمنٹ اتھارٹی کے سربراہ ترکی الشیخ نےایکس پر سعودی شہریوں کے لیے ایک مقابلے کا اعلان کیا تھا جس میں ریاض کی طرف جاتے ہوئے طیاروں کی بہترین تصویر لینے پر لگژری گاڑیاں بطور انعام دینے کا وعدہ کیا گیا تھا۔
ترکی الشیخ نے اپنے ایکس اکاؤنٹ پر کئی تصاویر ری پوسٹ کیں جن سے ظاہر ہوتا ہے کہ سعودی شہریوں نے اس مقابلے میں خوب دلچسپی کا اظہار کیا ہے۔
عرب میڈیا کے مطابق اس مقابلے کے لیے 10 لگژری گاڑیاں انعام میں رکھی گئی تھیں۔
رپورٹ کے مطابق یہ طیارے ریاض سیزن 2024 کے بلیوارڈ رن وے کے نئے ایڈیشن میں استعمال ہوں گے، ان طیاروں کو دکانوں اور ریسٹورنٹس میں تبدیل کیا جائے گا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
