22 ستمبر ، 2024 
دنیا
کوئلے کی کان میں دھماکا دو بلاکس میں میتھین گیس کے پھٹنے سے ہوا: خبر ایجنسی/ فائل فوٹو
ایران: کوئلے کی کان میں دھماکے سے 51 کان کن ہلاک، متعدد زخمی
22 ستمبر ، 2024
تہران: ایران میں کوئلے کی کان میں گیس دھماکے سے 51 کان کن ہلاک اور متعدد زخمی ہو گئے۔
غیر ملکی خبر ایجنسی کی رپورٹ کے مطابق کوئلے کی کان میں دھماکے کا واقعہ دارالحکومت تہران سے 540 کلو میٹر دور صوبہ خراسان کے ضلع تباص میں پیش آیا۔
خبر کے مطابق دھماکا ہفتے کی رات 9 بجے کان کے دو بلاکس میں میتھین گیس کے پھٹنے سے ہوا جس کے نتیجے میں اب تک 51 افراد کی ہلاکت اور 20 کے زخمی ہونے کی تصدیق ہو چکی ہے۔
غیر ملکی میڈیا کے مطابق دھماکے کے وقت کوئلے کی کان کے ان دو بلاکس میں 70 افراد موجود تھے۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
