24 ستمبر ، 2024 
پاکستان
گوجرانوالہ: اے ٹی ایم میں لوٹنے کی کوشش پر خواتین ڈاکو پر جھپٹ پڑیں، شور مچا کر پکڑوا دیا
24 ستمبر ، 2024
گوجرانوالہ کے علاقے نوشہرہ ورکاں میں خواتین نے ڈکیتی کی کوشش ناکام بنادی اور تعاقب کرکے فرار ہوتے ڈاکو کو بھی پکڑ وادیا۔
پولیس کے مطابق ڈکیتی کی کوشش 21 ستمبرکواےٹی ایم روم میں پیش آئی۔ ویڈیو میں دیکھا جاسکتاہے دو خواتین اے ٹی ایم روم میں داخل ہوئیں تو مسلح ملزم بھی خواتین کے پیچھے داخل ہوا۔
رقم مانگنے پرخواتین نے پہلے انکار کیا اور بدتمیزی پر ملزم پرجھپٹ پڑیں۔
ملزم نے فرار کی کوشش کی تو خواتین بھی شورمچاتی ہوئی پیچھے بھاگیں۔ خواتین کے شور مچانے پر شہری اکٹھے ہوئے اور ملزم کو پکڑ کر پولیس کےحوالے کردیا۔
پولیس نےملزم کو گرفتار کر کے مقدمہ درج کرلیا۔
