27 ستمبر ، 2024 
کھیل
لیگ میچوں میں پوائنٹس ٹیبل پربہتر پوزیشن کے سبب مارخورز کی ٹیم چیمپئنز ون ڈے کپ کے فائنل میں پہنچ گئی—فوٹو: فائل
چیمپئنز کپ: ایلیمنیٹر 2 بارش کے باعث منسوخ، مارخورز فائنل میں پہنچ گئی
27 ستمبر ، 2024
چیمپئنز ون ڈے کپ میں مارخورز اور لائنز کے درمیان دوسرا ایلیمنیٹر بارش کے باعث منسوخ ہوگیا۔
فیصل آباد میں جاری چیمپئنز ون ڈے کپ میں جمعہ کو ٹورنامنٹ کے ایلیمنیٹر 2 میں مارخورز اور لائنزکے درمیان میچ شیڈول تھا۔
تاہم مسلسل بارش کی وجہ سے میچ کا ٹاس تک نہ ہوا اور میچ منسوخ کردیا گیا۔
میچ منسوخی کے بعد لیگ میچوں میں پوائنٹس ٹیبل پربہتر پوزیشن کے سبب مارخورز کی ٹیم چیمپئنز ون ڈے کپ کے فائنل میں پہنچ گئی۔
اس سے قبل پینتھرز کی ٹیم بھی چیمپئنز کپ کے فائنل میں رسائی حاصل کرچکی ہے۔
پینتھرز اور مارخورز کی ٹیموں کے درمیان چیمپئنز ون ڈے کپ کا فائنل اتوار کو فیصل آباد کے اقبال اسٹیڈیم میں کھیلا جائے گا۔
مزید خبریں :
معروف میکسیکن ریسلر 66 برس کی عمر میں چل بسے
8 گھنٹے پہلے
فراڈ کیس میں سابق بھارتی کرکٹر کے وارنٹ گرفتاری جاری
9 گھنٹے پہلے
