28 ستمبر ، 2024 
کراچی میں جاری ورلڈ کلچر فیسٹول کا تیسرا روز مسحور کن دھنوں اور سروں کے نام رہا
28 ستمبر ، 2024
آرٹس کونسل کراچی اور جیو نیوز کے اشتراک سے جاری ورلڈ کلچرل فیسٹول کے تیسرے روز میگا میوزیکل کنسرٹ ہوا جس میں ملکی اور غیر ملکی فنکاروں نے میلے کا مزہ دوبالا کردیا۔
آرٹس کونسل کراچی میں جاری 35 روزہ ورلڈ کلچر فیسٹول کا تیسرا روز مسحور کن دھنوں اور سروں کے نام رہا۔ نیپال، آذربائیجان اور روانڈا کے میوزیکل بینڈ نے روایتی اور جدید موسیقی سے مداحوں کا دل لبھایا۔
پاکستانی بینڈ خماریاں، گلوکار عمران مومنا، اختر چنال زہری اور دیگر مقامی گلوکاروں نے اپنے مدھر گیتوں سے ماحول میں ثقافت کے رنگ بھرے۔
اس کے علاوہ ’بی ہائنڈ دا اسٹیج‘ کے عنوان سے ملکی اور غیر ملکی مصوروں کے فن پاروں کی نمائش کا افتتاح وزیر ثقافت سندھ سید ذوالفقار علی شاہ نے کیا۔
35 روزہ فیسٹول کے چوتھے روز کل دوتھیٹرپلے اور چھ ڈانس پرفارمنسز ہوں گی۔
مزید خبریں :
شاہ رخ نہ سلمان، بھارت میں سب سے مقبول اداکار کون؟ فہرست جاری
21 نومبر ، 2024
ماں کے ہندو ہونے کے باوجود اے آر رحمان نے اسلام کیوں قبول کیا؟
20 نومبر ، 2024
