29 ستمبر ، 2024 
اسرائیل کا حسن نصر اللہ کے بعد ایک اور سینیئر حزب اللہ لیڈر کو قتل کرنے کا دعویٰ
29 ستمبر ، 2024
اسرائیل نے دعویٰ کیا ہے کہ ہفتے کے دن ہونے والے ایک فضاعی حملے میں حزب اللہ کی مرکزی کونسل کے رکن اور سینیئر رہنما نبیل کاؤک مارے گئے ہیں۔
اسرائیل نے حزب اللہ سربراہ حسن نصراللہ کے بعد اب ایک اور سینئر رہنما نبیل کاؤک کو گزشتہ روز ہونے والے ایک فضاعی حملے میں ہلاک کرنے کا دعویٰ کیا ہے۔
العربیہ نے اپنی خبر میں لکھا کے حزب اللہ کے قریب سمجھے جانے والے ذرائع نے خبر ایجنسی اے ایف پی سے بات کرتے ہوئے اسرائیلی حملے میں نبیل کاؤک کی ہلاکت کے دعوے کی تصدیق کی اور بتایا گیا ہے کہ وہ حزب اللہ کی اندرونی سکیورٹی کے انچارج تھے۔
واضح رہے کہ دو روز قبل اسرائیل نے بیروت میں بنکر بسٹر بموں سے حملہ کرکے حزب اللہ سربراہ حسن نصراللہ کو شہید کیا تھا اور اس کے بعد بھی اسرائیل کی جانب سے لبنان کے مختلف شہروں پر حملے جاری ہیں۔
لبنان میں جاری اسرائیلی حملوں کے بعد لوگ بڑی تعداد میں بے گھر ہو رہے ہیں اور نقل مقانی کرکے محفوظ علاقوں کی جانب ہجرت کرنے پر مجبور ہیں۔
لبنانی وزیراعظم نجیب میقاتی نے اپنے ایک حالیہ بیان میں کہا کہ اسرائیل حملوں کے بعد بے گھر ہونے والے افراد کی تعداد 10 لاکھ تک پہنچ سکتی ہے۔
مزید خبریں :
ہیومن رائٹس واچ نے اسرائیل پر غزہ میں نسل کشی کا الزام لگا دیا
20 دسمبر ، 2024
نائجیریا: اسکول کے میلے میں بھگدڑ مچنے سے 35 بچے جاں بحق
19 دسمبر ، 2024
حوثیوں نے تل ابیب پر ہائپرسونک میزائل داغنے کی ویڈیو جاری کردی
19 دسمبر ، 2024
