01 اکتوبر ، 2024 
سوئٹزرلینڈ اور اٹلی کو ایک مرتبہ پھر سرحد کا تعین کرنے کی ضرورت کیوں پیش آگئی؟
01 اکتوبر ، 2024
سوئٹرزلینڈ اور اٹلی کوایک مرتبہ پھر سے اپنی سرحدوں کی لکیروں کا تعین کرنے کی ضرورت پیش آگئی ہے۔
غیر ملکی میڈیا کی رپورٹ کے مطابق ماحولیاتی تبدیلیوں کے باعث ایلپس کے پہاڑی سلسلے میں موجود گلیشیئرز کے پگھلنے کے باعث اٹلی اور سوئٹزرلینڈ نے نئے سرے سے اپنی سرحدوں کے تعین کا فیصلہ کیا ہے۔
رپورٹ کے مطابق ماحولیاتی تبدیلیوں سے متاثرہ یورپ کی سب سے اونچی چوٹی میٹر ہورن کے علاقوں میں دونوں ممالک ایک مرتبہ پھر سے اپنی سرحد کا تعین کریں گے۔
رپورٹ کے مطابق اٹلی اور سوئٹزرلینڈ کے درمیان واقع سرحد زیادہ تر گلیشیئرز، رج لائنز اور برفانی میدانوں پر مشتمل ہے تاہم ماحولیاتی تبدیلیوں کے باعث تیزی سے برف پگھلنے کے باعث یہ قدرتی سرحدیں تبدیل ہوتی جا رہی ہیں جس کی وجہ سے دونوں ممالک کو اپنی سرحدوں کے تعین کی ضرورت پیش آگئی ہے۔
خبر کے مطابق سوئٹزرلینڈ نے سرحد کے دوبارہ تعین کیلئے معاہدے کرنے کی منظوری دیدی ہے تاہم اٹلی کی جانب سے مئی 2023 میں مشترکہ کمیشن کے تجاویز کے باوجود اس معاملے پرابھی کوئی فیصلہ سامنے نہیں آیا۔
اعداد و شمار کے مطابق 2023 کے دوران سوئٹزرلینڈ میں گلیشیئرز میں 4 فیصد کمی ریکارڈ کی گئی جو کہ 2022 میں ریکارڈ کی گئی 6 فیصد کی تاریخی کمی کے بعد دوسری سب سے بڑی کمی تھی۔
سوئز حکام کے مطابق دونوں ممالک نے اپنے معاشی مفادات کے پیش نظر سرحد کے دوبارہ تعین کا فیصلہ کیا ہے تاکہ ہمیں یہ فیصلہ کرنے میں آسانی رہے کہ ان فطری علاقوں کی دیکھ بھال کی ذمہ داری کس پر عائد ہوگی۔
حکام کے مطابق ایک مرتبہ دونوں ممالک کے درمیان معاہدہ طے پانے کے بعد معاہدے کی تفصیلات جاری کی جائیں گی۔
مزید خبریں :
امریکا نے غلطی سے اپنا ہی طیارہ مار گرایا
2 گھنٹے پہلے
غزہ میں القسام بریگیڈز کے حملوں میں 5 اسرائیلی فوجی ہلاک ہوگئے
21 دسمبر ، 2024
سعودی عرب کی جرمنی میں ہجوم پر کار چڑھانے کے واقعے کی مذمت
21 دسمبر ، 2024
یمن سے حوثیوں کا تل ابیب پر میزائل حملہ، 16 افراد زخمی
21 دسمبر ، 2024
