01 اکتوبر ، 2024 
کپل شرما شو میں ساس کے انتقال کی خبر سن کر بھی ہنسنا پڑا: ارچنا پورن سنگھ
01 اکتوبر ، 2024
3 دہائیوں سے بھارتی فلم انڈسٹری میں کام کرنے والی اداکارہ ارچنا پورن سنگھ نے بھارت کے مشہور کامیڈی 'دی کپل شرما شو' کے حوالے سے انکشاف کیا ہے۔
بھارتی میڈیا کے مطابق ارچنا 'دی کپل شرما شو' کا ایک اہم حصہ بن چکی ہیں اور اب وہ اس شو کے دوسرے سیزن کی پروموشن میں مصروف ہیں۔
ارچنا سنگھ نے حال ہی میں بھارتی میڈیا کو دیے گئے انٹرویو میں شو کے دوران زندگی کی بری خبر ملنے کے حوالے سے گفتگو کی۔
انہوں نے بتایا کہ'شو کی شوٹنگ کے دوران ساس کے مرنے کی خبر ملی، میں نے ہنستے ہوئے سوچا کہ میری ساس کا انتقال ہوا ہے اور اب کیا ہو رہا ہے، مجھے نہیں پتا میں کیسے ہنس رہی تھی۔'
انہوں نے مزید کہا کہ 'جب آپ ایک انڈسٹری میں 30 سے 40 سال کا وقت گزار چکے ہوں اور آپ کو معلوم ہو کہ پروڈیوسر نے اس کام پر پیسہ لگایا ہوا ہے، تو آپ اسے نامکمل چھوڑ کر نہیں جاسکتے۔'
ارچنا کا کہنا تھا کہ 'میرے شوہر تمام تر صورتحال کو سمجھتے ہیں، مجھے پروڈیوسر نے یہ کہا کہ آپ ہنسنے کی ایکٹنگ کریں، آواز خود لگا دیں گے۔'
واضح رہے کہ ارچنا پورن سنگھ نے محبتیں، کرش، کچھ کچھ ہوتا ہے، بول بچن جیسی دیگر کامیاب فلموں میں کام کیا ہے، اس کے علاوہ وہ کامیڈی سرکس اور کپل شرما شو میں بھی کام کررہی ہیں۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
