01 اکتوبر ، 2024 
'45 دن سے نہیں سویا، کھانا بھی کم کھایا'، کام کے دباؤ پر ملازم نے خودکشی کرلی
01 اکتوبر ، 2024
بھارت میں نجی فرم میں کام کرنے والے شخص نے سینیئرز کی جانب سے ذہنی دباؤ دینے پر خودکشی کرلی۔
بھارتی میڈیا کے مطابق ریاست اتر پردیش کے 42 سالہ کے ترن سکسینا ایک نجی فرم کے فنانس ڈیپارٹمنٹ کے ملازم تھے جنہوں نے اپنے سینیئرز کے ناگوار رویے اور کام کے ناقابل برداشت دباؤ کے باعث خود کشی کی۔
ترن نے خود کشی سے پہلے لکھے گئے خط میں ذکر کیا کہ وہ 45 دن سے نہیں سوئے اور نا ٹھیک سے کھانا کھایا، کوشش کے باوجود سینیئرز کی جانب سے دیے گئے اہداف مکمل نا کر پانے پر میری توہین بھی کی گئی۔
بھارتی میڈیا کے مطابق ترن نے اپنے خط میں لکھا کہ "میں اپنے مستقبل کو لیکر بہت پریشان ہوں اور سوچنے کی صلاحیت بھی کھو چکا ہوں، میں جارہا ہوں"۔
اس خط کے بعد ترن نے اپنے کمرے میں لگے پنکھے سے جھول کر خودکشی کرلی۔ پولیس کے مطابق خودکشی کے واقعے کی تحقیقات شروع کردی ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
