01 اکتوبر ، 2024 
پاکستان
علی امین گنڈا پور کی بانی پی ٹی آئی سے کانفرنس روم میں ملاقات کروائی گئی اور ملاقات سوا گھنٹے جاری رہی: ذرائع— فوٹو:فائل
علی امین کی عمران خان سے جیل میں ملاقات، 28 ستمبر کے پنڈی احتجاج پر گفتگو کی
01 اکتوبر ، 2024
خیبرپختونخوا کے وزیراعلیٰ علی امین گنڈاپور نے اڈیالہ جیل میں پاکستان تحریک انصاف کے بانی عمران خان سے ملاقات کی ہے۔
ذرائع کے مطابق علی امین گنڈا پور کی بانی پی ٹی آئی سے کانفرنس روم میں ملاقات کروائی گئی اور ملاقات سوا گھنٹے جاری رہی۔
ذرائع کا کہنا ہے کہ ملاقات میں ملکی، پارٹی اور سیاسی صورتحال پر بات چیت کی گئی اور ملاقات میں 28 ستمبر کے راولپنڈی احتجاج پر بھی گفتگو ہوئی۔
ذرائع کے مطابق ملاقات میں 4اکتوبر کو اسلام آباد ڈی چوک احتجاج کے بارے میں مشاورت کی گئی۔
علی امین گنڈاپور بانی پی ٹی آئی سے ملاقات کے بعد میڈیا سے بات کیے بغیر چلے گئے۔
