03 اکتوبر ، 2024 
جرائم
کراچی میں رواں سال ڈکیتی مزاحمت پر جاں بحق ہونیوالوں کی تعداد 100 ہوگئی
03 اکتوبر ، 2024
کراچی میں رواں سال اب تک ڈکیتی میں مزاحمت پر جاں بحق ہونے والوں کی تعداد 100 ہوگئی۔
کراچی میں ڈکیتی کے دوران مزاحمت پر ایک اور نوجوان قتل ہوگیا۔ سرجانی میں تنخواہ لے کر گھر جانے والے دو بھائیوں کو ملزمان نے اسلحے کے زور پر لوٹا۔
موٹرسائیکل نہ دینے پر ملزمان نے فائرنگ کردی، ملزمان کی فائرنگ کے باعث ایک بھائی جاں بحق ہوگیا۔
مقتول کے والد کا کہنا ہے کہ ملزمان نے دونوں بھائیوں سے 80 ہزار روپے چھینے۔
خیال رہے کہ رواں سال اب تک ڈکیتی میں مزاحمت پر جاں بحق ہونے والوں کی تعداد 100 ہوگئی ہے۔
مزید خبریں :
مردان میں فائرنگ سے میاں، بیوی اور بیٹا قتل
9 گھنٹے پہلے
