06 اکتوبر ، 2024 
کھیل
فوٹو: ایکس
ویمنز ٹی 20 ورلڈکپ: برج خلیفہ کو پاکستان اور بھارت کی ٹیموں کے رنگ میں رنگ دیا گیا
06 اکتوبر ، 2024
آئی سی سی ویمنز ٹی ٹوئنٹی ورلڈ کپ میں آج روایتی حریف پاکستان اور بھارت کی کرکٹ ٹیمیں دبئی میں مدمقابل ہوں گی۔
پہلے میچ میں ایشین چیمپیئن سری لنکا کو شکست دینےوالی گرین شرٹس جیت کا تسلسل قائم رکھنے کے لیے پُرعزم ہے۔
قومی کرکٹ ٹیم کی کپتان فاطمہ ثنا کا کہنا ہے کہ پہلے میچ کی طرح بھارت کے خلاف بھی عمدہ کھیلنے کی کوشش کریں گے۔
میچ سے قبل دنیاکی بلند ترین عمارت برج خلیفہ کو پاکستان اور بھارت کی ٹیموں کے رنگ میں رنگ دیا گیا۔
واضح رہے کہ بھارت کو آئی سی سی ٹی ٹوئنٹی ورلڈکپ کے اپنے پہلے میچ میں نیوزی لینڈکے ہاتھوں شکست ہوئی تھی۔
