07 اکتوبر ، 2024 
پاکستان
آئندہ 3 سے 4 روز کے دوران پارہ 36 سے38 ڈگری سینٹی گریڈرہ سکتا ہے: چیف میٹرولوجسٹ/ فائل فوٹو
کراچی میں آج سے گرمی بڑھنے کا امکان ، پارہ کہاں تک جاسکتا ہے؟
07 اکتوبر ، 2024
چیف میٹرولوجسٹ نے آج سے کراچی میں درجہ حرارت بڑھنے کی پیشگوئی کردی۔
چیف میٹرولوجسٹ سردار سرفرازکے مطابق کراچی میں آج سے درجہ حرارت بڑھنےکا امکان ہے اور آئندہ 3 سے 4 روز کے دوران پارہ 36 سے38 ڈگری سینٹی گریڈرہ سکتا ہے۔
سردار سرفراز نے کہا کہ ہواکےرخ میں تبدیلی کےباعث دن کےدرجہ حرارت بڑھ سکتے ہیں اور دن میں شمال مغرب سے بلوچستان کی گرم ہوائیں چل سکتی ہیں۔
چیف میٹرولوجسٹ کے مطابق کراچی میں موسم گرم اور مرطوب رہے گا اور دوپہر کے بعد سمندری ہوائیں بحال ہونے کاامکان ہے۔
سردار سرفراز نے مزید کہا کہ اکتوبر عام طورپر سندھ میں گرم ہی گزرتا ہے۔
