08 اکتوبر ، 2024 
ایک جوڑے نے اپنے گھریلو ملازمین کو نئے آئی فونز تحفے کے طور پر دیکر حیران کر دیا
08 اکتوبر ، 2024
ملائیشیا سے تعلق رکھنے والے ایک جوڑے نے کافی عرصے سے ان کی خدمت کرنے والے ملازمین کو آئی فونز کا تحفہ دے کر حیران کر دیا۔
جیف لیونگ اور ان کی اہلیہ Inthira Kalanjiam کے اس اقدام کو انٹرنیٹ صارفین کو بہت زیادہ سراہا ہے۔
اس جوڑے نے گھر میں کام کرنے والی 2 ملازماؤں کو بالکل نئے آئی فونز دیے جو اس تحفے کو پاکر دنگ رہ گئیں۔
سری اور نیننگ نامی دونوں ملازماؤں کا تعلق انڈونیشیا سے تھا اور وہ 2 سال سے اس جوڑے کے گھر کا انتظام سنبھالے ہوئے تھیں۔
جوڑے کی 2 سالہ بیٹی نے اپنے ہاتھوں سے یہ آئی فونز ملازماؤں کو دیے۔
اس موقع کی ویڈیو بھی جوڑے کی جانب سے یوٹیوب پر پوسٹ کی گئی جس میں دکھایا گیا کہ ایک ملازمہ آئی فون ملنے پر خوشی سے رونے لگی۔
اس کا کہنا تھا کہ یہ ناقابل یقین ہے۔
جوڑے نے دونوں کا شکریہ ادا کرتے ہوئے کہا کہ آپ دونوں صرف گھریلو ملازم نہیں بلکہ ہمارے خاندان کا حصہ بن چکی ہیں۔
ان کا کہنا تھا کہ ملائیشیا میں اکثر گھریلو ملازمین کو فون رکھنے کی اجازت نہیں ہوتی۔
انہوں نے مزید کہا کہ ہر ایک کے ساتھ مساوی سلوک ہونا چاہیے، آپ کی ملازمت جو بھی ہو، بطور انسان ہم سب برابر ہیں۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
